Abşeronda yük maşını 16 yaşlı oğlanı vurub
Abşeronda ölümlə nəticələnən yol qəzası baş verib.
Redaktor.az-ın məlumatına görə, hadisə rayonun Mexkalon qəsəbəsində qeydə alınıb.
1980-cı il təvəllüdlü Sarvan Muradovun idarə etdiyi “Mercedes 1317L” markalı yük avtomobili ilə hərəkətdə olarkən yolda hərəkətdə olan velosipedçi, 2004-cü il təvəllüdlü Arzu Tağıyevi vurub. O, aldığı xəsarətlərdən hadisə yerində ölüb.
Faktla bağlı Cinayət Məcəlləsinin 263.2-ci (yol-istismar qaydalarını pozma, zərərçəkənin ölümünə səbəb olma) maddəsi ilə cinayət işi başlanıb.