Van Qoqun əsəri 16,2 milyon avroya satılıb

 09:52 26.03.2021     185

Məşhur rəssam Vinsent Van Qoqun (1853-1890) "Montmartrda bir küçə səhnəsi" adlı sənət əsəri Parisdə keçirilən auksionda 16,2 milyon avroya satılıb.

Redaktor.az-ın məlumatına görə, bu barədə "Sotheby's" auksion evinin saytında bildirilib.

Mulen de la Qalett dəyirmanını əks etdirən rəsmin ilkin qiyməti 5-8 milyon avro olub.

Sənətkarın 1887-ci ildə çəkdiyi tablonun əvvəllər geniş tamaşaçı publikasına təqdim edilmədiyi vurğulanır. Rəsm hərraca çıxarılmamışdan öncə təxminən 100 il fransalı bir ailəsinin xüsusi kolleksiyasında saxlanılıb. //Trend.az