Zəhra Səfəralıqızının yeni kitabının təqdimatı oldu
Zəngilan rayon Mərkəzləşdirilmiş Kitabxana Sisteminin Mərkəzi kitabxanasında yazar Zəhra Səfəralıqızının “Qəlbimin üşüyən tərəfi” adlı kitabının təqdimatı keçirilib.
Redaktor.az xəbər verir ki, tədbirdə Azərbaycan Yazıçılar Birliyinin üzvü, “Zəngilanın səsi” qəzetinin baş redaktoru Salam Cavadlı, şairə, AYB-nin üzvü Abşeron MKS-nin direktoru Məlahət Yusifqızı, şair jurnalist Mahir Cavadlı, AYB Qubadlı “Xasay Cahangirov” adına Ədəbi Birliyinin rəhbəri Solmaz Cahangirova, AYB-nin üzvü, prezident mükafatçısı Səmayə Güləliqızı, qiraətçi xanım Bahar Abbasova, Abşeron MKS-nin baş metodisti Pərvanə Muradova, şair Xaliq Laçınlı iştirak ediblər.
Tədbirdə Azərbaycan Respublikasının suverenliyi və ərazi bütövlüyü uğrunda gedən mübarizədə qəhrəmanlıq göstərən şəhidlərimizin əziz xatirəsi bir dəqiqəlik sükutla yad edilib.
Zəngilan MKS-nin direktoru Məhruzə Cəfərova qonaqları salamlayaraq, Zəhra Məmmədovanın yeni kitabını oxuculara təqdim edib. M.Cəfərova əmin olduğunu bildirib ki, “Buluddan nəm çəkdi yolum”, “Uzaqlardan gətirdiklərim...” adlı kitablarında olduğu kimi, “Qəlbimin üşüyən tərəfi” kitabı da kitabxanamızın oxucuları tərəfindən rəğbətlə qarşılanacaq.
Tədbir iştirakçıları kitabdakı şeir və hekayələrdə torpaqa, vətənə, doğma el-obaya məhəbbətin qabarıq şəkildə ifadə olounduğunu vurğuladılar, müəllyfə yeni yaradıcılıq uğurları arzulayıblar.
Mərkəzi kitabxananın kollektivi adından Xuraman Əliyeva müəllifə uğurlar arzulayıb, qonaqlara işirak üçün təşəkkürünü bildirib.
Bizi Telegram-da izləyin...
