Musiqi məktəblərində “ölü canlar” AŞKARLANDI

 12:09 14.10.2022     126

Bir ildən çoxdur ki, regionlardakı mədəniyyət müəssisələrində yoxlamalar həyata keçirilir. Regionlardakı musiqi məktəblərində korrupsiya pozuntuları aşkarlanıb.

Redaktor.az xəbər verir ki, bu sözləri jurnalistlərə açıqlamasında mədəniyyət naziri Anar Kərimov deyib.

“Yoxlamalarda çox ciddi pozuntular aşkarlanıb. Ən çox pozuntular uşaq musiqi məktəblərindədir. Sirr deyil ki, bu pozuntular içərisində korrupsiya halları da var. Həmçinin musiqi məktəblərində nəzarət sisteminin olmaması, "ölü canlar" və digər bu kimi pozuntu halları aşkarlanıb. Bu pozuntular musiqi məktəblərinin fəaliyyətinə mənfi təsir göstərir”, - nazir qeyd edib.