İncəsənət Muzeyində ADU-nun Konfutsi İnstitutunun ustad dərsləri - FOTO
Azərbaycan Dillər Universitetinin (ADU) Konfutsi İnstitutu Azərbaycan Milli İncəsənət Muzeyində keçirilən “Azərbaycan Milli İncəsənət Muzeyinin Çin incəsənəti kolleksiyası” adlı sərgi çərçivəsində Çin mədəni irsi və xalq adət-ənənələrinə həsr olunmuş silsilə ustad dərsləri keçirib. “Çin xəttatlıq sənəti”, Çin kağız kəsmə sənətinə həsr olunmuş “Kainatını yarat”, “Çin çay mərasimi”, “Kungfu” üslubuna həsr olunmuş “Çin ənənəvi döyüş sənəti” və “Baduanjin” sağlamlıq məşqləri kimi mövzularla bağlı olan ustad dərsləri ADU Konfutsi İnstitutunun müəllim və tələbələrinin tematik mühazirələri və musiqili çıxışları ilə müşayiət olunub.
Redaktor.az-ın məlumatına görə, ADU-nun Konfutsi İnstitutunun direktoru Rafiq Abbasov qeyd edib ki, Konfutsi İnstitutu “Çin incəsənəti Azərbaycan muzeylərində” mövzusunda birgə seminarlar keçirərək Azərbaycan muzeyləri ilə fəal əməkdaşlıq edir.
Belə ki, Musiqi Mədəniyyəti Dövlət Muzeyi ilə birlikdə Çin musiqi alətlərinin muzey kolleksiyası və Böyük İpək Yolu üzərində mədəni əlaqələrin genişləndirilməsində türklərin ənənəvi musiqi mədəniyyətinin rolu mövzusunda tədbirlər, Azərbaycan Milli İncəsənət Muzeyi ilə Çin təsviri və dekorativ tətbiqi sənətinin nadir eksponatlarının tarixi, muzey fondunda olan Çin çini məmulatlarının bədii xüsusiyyətləri mövzusunda, Milli Azərbaycan Tarixi Muzeyi ilə “Azərbaycan və Çinin zərgərlik ənənələri: İpək Yolu üzərində mədəniyyətlərarası dialoq” mövzusunda, Azərbaycan Milli Xalça Muzeyi ilə isə “Azərbaycanın Əjdaha Xalçaları” mövzusunda seminarlar və s. keçirilib.
O, ümummilli lider Heydər Əliyevin və Azərbaycan Prezidenti İlham Əliyevin Çinə səfərləri zamanı bu ölkənin məşhur mədəniyyət abidələrini və tarixi muzeylərini ziyarət etdiklərini də bildirib.
Bizi Telegram-da izləyin...
