Qənirə Paşayeva Xalq artisti ilə görüşdü
Milli Məclisin Mədəniyyət komitəsinin sədri Qənirə Paşayeva Azərbaycanın Xalq artisti, "M Teatr”ın rəhbəri, YUĞ Teatrının aktyoru, Azərbaycan Dövlət Mədəniyyət və İncəsənət Universitetinin müəllimi, Prezident təqaüdçüsü Vidadi Həsənovla görüşüb.
Redaktor.az xəbər verir ki, millət vəkili tanınmış sənətçinin yaradıcılıq uğurları və yeni planları ilə tanış olub. Söhbət zamanı teatr, kino sahəsi üzrə ətraflı fikir mübadiləsi aparılıb.
Vidadi Həsənovun incəsənətimizə, özəlliklə teatra uzunmüddətli səmərəli xidmətlərini xatırladan Q.Paşayeva, 65 yaşlı yubilyara möhkəm cansağlığı, yeni yaradıcılıq uğurları diləyib. Komitə sədri Xalq artistinə xatirə hədiyyəsi və Mədəniyyət komitəsi adından Təbrik məktubu təqdim edib.
T.İSMAYIL
Bizi Telegram-da izləyin...
