Azərbaycan himni yeni versiyada səsləndiriləcək

 21:02 19.04.2019     667

Bu dəfə himni muğam ifaçısı Bəyimxanım Vəliyeva və vokal ifaçısı Nurlan Növrəsli oxuyacaq

 Formula 1 üzrə Azərbaycan Qran Prisinin başlamasına sayılı günlər qalıb. 

Redaktor.az Sputnik Azərbaycan-a istinadən xəbər verir ki, bu gün akkreditasiyadan keçən jurnalistlər üçün seminar keçirilib. Bakı Şəhər Halqasının (BŞH) əməkdaşları jurnalistlərə yeni qaydalar haqqında məlumatlar veriblər.

Tədqimat zamanı maraqlı məqamlara toxunan əməkdaşlar bildiriblər ki, Formula 1 yarışının rəsmi açılışı zamanı Azərbaycan Himni yeni versiyada tamaşaçılara təqdim olunacaq. Bu dəfə himni Əməkdar artist, muğam ifaçısı Bəyimxanım Vəliyeva və vokal ifaçısı Nurlan Növrəsli oxuyacaq.

Qeyd edək ki, Azərbaycan Qran Prisi 26, 27, 28 aprel tarixlərində keçiriləcək.