"Azərbaycan Hirkan meşəsinin Dünya Mədəniyyət İrsi siyahısına daxil edilməsi ilə bağlı təklifə qoşula bilər"
"İran tərəfindən Hirkan meşəsinin Dünya Mədəniyyət İrsi siyahısına daxil edilməsi maraqlı təşəbbüsdür. İlkin nəticələrə görə, Hirkan meşəsi siyahıya daxil olmaq üçün şanslıdır".
Redaktor.az-ın apa.az-a istinadən məlumatına görə, bunu bu gün mədəniyyət naziri Əbülfəs Qarayev UNESKO-nun Dünya İrs Komitəsinin 43-cü sessiyası çərçivəsində keçirilən mətbuat konfransında bildirib.
Ə. Qarayev deyib ki, Azərbaycan da gələcəkdə öz ərazisindəki Hirkan meşəsi ilə bağlı bu nominasiyaya qoşula bilər: "Hər iki ölkə Hirkan meşələrinin birgə layihə çərçivəsində qorunmasını həyata keçirə bilər. Eyni zamanda Azərbaycan da ərazisindəki Hirkan meşəsi ilə bağlı belə təklif irəli sürə bilər ".
UNESKO-nun Dünya İrs Mərkəzinin direktoru Mextild Rossler deyib ki, Azərbaycanın Hirkan meşəsi ilə bağlı belə təklifi olub: "Sonra İran bunu görüb, belə təkliflə çıxış etdi".
Bizi Telegram-da izləyin...
