Azərbaycan mədəniyyətinə ağır itki - Onu itirdik... / FOTO
Xalq artisti Ağaxan Salmanlı dünyasını dəyişib.
Redaktor.az bildirir ki, bu barədə Gənc Tamaşaçılar Teatrının aktyoru Ramil Məmmədov məlumat verib. O, sosial şəbəkədə status yazaraq 78 yaşlı aktyorun vəfat etdiyini qeyd edib.
Qeyd edək ki, Ağaxan Əli oğlu Salmanlı 29 oktyabr 1941-ci ildə Suraxanıda anadan olub. 1949-1959-cu illərdə orta məktəbdə təhsil alıb. İlk sənət təhsilini Suraxanıda fəhlə gənclər dram dərnəyində, daha sonra Teatr İnstitutunun dram-kino aktyorluğu fakültəsində Rza Təhmasibin kursunda təhsil alıb (1960-1964). Peşəkar səhnə fəaliyyətinə Gənc Tamaşaçılar Teatrında Seyfəddin Dağlının "Bahar oğlu” əsəri əsasında Cəfər Cabbarlı rolu ilə başlayıb.
Bir neçə Mozalan kinojurnalında çəkilib. Əməkdar artist (1978), Xalq artistidir (2005). 9 may 2012-ci ildə, 30 aprel 2014-cü ildə və 6 may 2015-ci ildə Prezident Mükafatına layiq görülüb. 10 mart 2016-cı ildə Azərbaycan Teatr Xadimləri İttifaqının "Sənətkar" medalı ilə təltif edilib. 6 may 2016-cı ildə Azərbaycanın Respublikası Prezidentinin fərdi təqaüdünə layiq görülüb.
Bizi Telegram-da izləyin...
