Azərbaycan nefti ötən həftə ərzində ucuzlaşıb

 11:08 24.03.2021     208

Ötən həftə ərzində (15-19 mart) dünya bazarında "Azeri Light" (CIF) markalı neftin 1 barelinin orta qiyməti 66,75 ABŞ dollarına bərabər olub ki, bu da əvvəlki həftənin orta qiyməti ilə müqayisədə 2,16 dollar və ya 3,1% azdır.

Redaktor.az-ın məlumatına görə, həftə ərzində ən yüksək göstərici (I gün) – 68,82 dollar təşkil edib, ən minimal göstərici (V gün) isə 64 dollar səviyyəsində olub.

Həftə ərzində Azərbaycan neftinin qiyməti 4,82 dollar və ya 7% azalıb.