Azərbaycanda tikinti sektorunun kreditləşməsi artıb
Bu ilin aprelin 1-nə Azərbaycanda inşaat və tikinti sektoruna kredit qoyuluşlarının həcmi 681,5 mln. manat təşkil edib.
Redaktor.az-ın Azərbaycan Mərkəzi Bankına istinadən verdiyi məlumata görə, bu göstərici son bir ayda 0,9% azalsa da, ilin əvvəlindən 38,3%, ötən ilin eyni dövrü ilə müqayisədə isə 45,5% artıb.
Qeyd edək ki, sözügedən sahəyə yönəldilən kreditlər ümumi ölkə üzrə kredit qoyuluşlarının 4,6%-ni təşkil edib. Bu illik müqayisədə 1,6 faiz bəndi çoxdur.
Bizi Telegram-da izləyin...
