Vətəndaşlarımızın Türkiyədə aldığı obyektlərin sayı artıb
Bu ilin yanvar-avqust aylarında Azərbaycan vətəndaşları Türkiyədə 858 daşınmaz əmlak obyekti satın alıblar ki, bu da 2020-ci ilin eyni dövrü ilə müqayisədə 158 obyekt daha çoxdur.
Redaktor.az xəbər verir ki, bu barədə Türkiyənin Torpaq Kadastrı və Daşınmaz Əmlak Alqı-Satqısı üzrə Dövlət orqanı məlumat yayıb.
Məlumata görə, 2021-ci ilin avqust ayında Azərbaycan vətəndaşları Türkiyədə 138 daşınmaz əmlak obyekti alıblar ki, bu da 2020-cu ilin avqustundan 16 obyekt çoxdur.
2021-ci ilin avqust ayında Türkiyədə 141 400 əmlak satılıb ki, bu da 2020-ci ilin eyni dövrü ilə müqayisədə 17 faiz daha azdır.
İyul ayında Türkiyədə 5 866 əmlak əcnəbilərə satılıb ki, bu da 2020-ci ilin eyni dövrü ilə müqayisədə 50,7 faiz çoxdur. //Axar.az
Bizi Telegram-da izləyin...
