Vəkil və hüquqşünaslar “AZGRANATA” MMC-də olublar - FOTO
“Legalaid” MMC hüquq şirkəti və Bakı şəhəri 19 saylı Vəkil Bürosunun vəkilləri “AZGRANATA” MMC-nin qonağı olublar.
Redaktor.az xəbər verir ki, qonaqlar əvvəlcə zavoda məxsus 500 hektar sahədə salınmış üzüm bağlarını gəziblər. Onlara burada əkilmiş müxtəlif sort yerli və xarici üzüm tingləri haqqında məlumat verilib.
Daha sonra qonaqlar “AZGRANATA” MMC-nin Ağsu rayonunda 14 hektar sahəni əhatə edən meyvə şirələri və şərab emalı zavodunda olublar. Burada onlara məlumat verilib ki, 2011-ci ilin 30 oktyabr tarixində prezident İlham Əliyevin iştirakı ilə istifadəyə verilən zavodda hazırda müxtəlif növ meyvə şirələri, kompotları, konsentrat, limonad,üzüm yarpağı, mürəbbə, abqora ilə yanaşı müxtəlif şərablar, viski, konyak, rakı, meyvə araqları və vodka istehsal edilir. Zavodun illik istehsal gücü meyvə şirələri üçün 100 milyon qablaşdırma, alkoqollu içkilər üçün isə 24 milyon butulka təşkil edir. Qonaqlar zavodun meyvə qəbulu və emalı, konsentrat hazırlanması, aseptik çənlərdə meyvə şirələrinin saxlanılması, şərab və tünd içkilərin saxlanılması anbarı, distillə sexi, şüşə və "tetra pak" qablarının dolumu və qablaşdırılması sexləri, hazır və köməkçi xammalın saxlanılması bölümləri ilə tanış olublar.
Qeyd olunub ki, müəssisədə istehsal edilən bir çox brendlər daxili bazarla yanaşı xarici bazarda da yerini möhkəmləndirir. Hazırda dünyanın 30 ölkəsinə məhsul ixrac edən zavodun ixrac potensialı artmaqda davam edir. Həmçinin bildirilib ki, zavod Almaniya, İsveçrə, İtaliya, Bolqarıstan və Fransa istehsalı olan avadanlıqlarla təchiz olunub.
Tünd içkilərin saxlanılması anbarında olan qonaqlara bildirilib ki, burada Şotlandiya texnologiyası əsasında emal edilmiş viski spirti Amerikan palıdından hazırlanan 500 litrlik çəlləklərdə saxlanılır. Bu palıd çəlləklər Fransadan gətirilib. Tünd içkilər anbarında viski ilə yanaşı 3 ildən 30 ilə qədər palıd çəlləklərdə saxlanılmış konyak spirtləri var. Azərbaycanda ən zəngin konyak ehtiyyatına görə “AZGRANATA" zavodunun tünd içkilər anbarını konyakın qızıl fondu adlandırırlar.
“AZGRANATA" zavodunun şərab saxlanma anbarında isə 128 ədəd paslanmayan rezervuar çən yerləşdiyi diqqətə çatdırılıb və bildirilib ki, bu çənlərin hər birinin tutumu 1700 dekolitrdir. Eyni zamanda, anbarda Amerika və Fransadan gətirilmiş 225-350 litr tutuma malik palıd çəllləklər, İtaliyanın “Garbellotto” firmasının istehsalı olan 18 ədəd hər biri 800 dekolitr tutuma malik palıd butlar var. Bunlardan şərabların yüksək keyfiyyətdə yetişdirilməsi məqsədi ilə istifadə edilir. Burada temperatur bütün il boyu ərzində 14-16 dərəcə arasında stabil saxlanılır.
Qonaqlar zavodun beynəlxalq şərab dequstasiyası qaydalarına uyğun şəkildə dizayn edilmiş dequstasiya zalında da olublar. Dequstasiya zalında zavod rəhbərliyinin təşəbbüsü ilə Azərbaycanda fəaliyyət göstərən digər şərab zavodlarının hər birinin xüsusi stendi qurulub və həmin zavodların məhsulları özlərinə məxsus stendlərə yerləşdirilib. Həmçinin dequstasiya zalının nəznində kiçik şərabçılıq muzeyi də yaradılıb ki, buda müəssisəyə gələn yerli və xarici qonaqlar tərəfindən maraqla qarşılanır. Burada qonaqlar üçün müəssisədə istehsal edilən yüksək keyfiyyətli meyvə şirələrinin və şərabların dequstasiyası təşkil edilib.
Bizi Telegram-da izləyin...
