Azərbaycanda dolların məzənnəsi ilə bağlı vacib AÇIQLAMA
Azərbaycan Mərkəzi Bankı (AMB) gələn il də sabit məzənnə rejiminin tətbiqinə çalışacaq.
Redaktor.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin iclasında AMB-nin sədri Taleh Kazımov bildirib.
"Növbəti ilin dövlət büdcəsi hazırlanarkən də ABŞ dollarının məzənnəsi 1,7 manatdan götürülüb. Məzənnənin sabitliyi makroiqtisadi sabitlik üçün vacibdir", - deyə o, qeyd edib.
Xatırladaq ki, Azərbaycanda 7 mart 2018-ci ildən bəri milli valyutasının məzənnəsi dəyişməyib.
T.Kazımov həmçinin deyib ki, Azərbaycanda investisiya fondlarının yaradılması üçün kapital bazarı inkişaf etməlidir.
"İndi investisiya fondu yaradsaq, vəsaitlər xaricə axıb gedəcək", - deyə baş bankir əlavə edib.
Bizi Telegram-da izləyin...
