Dünya Bankı Azərbaycanda məcburi köçkünlər üçün qrant ayırdı
Qaçqınların və Məcburi Köçkünlərin İşləri üzrə Dövlət Komitəsi (QMKİDK) ilə Dünya Bankı arasında Azərbaycanda Məcburi Köçkünlərin Həyat Şəraitinin Yaxşılaşdırılması Layihəsinin maliyyələşdirilməsi ilə bağlı qrant Sazişi imzalanıb.
Redaktor.az xəbər verir ki, qrantın dəyəri 2 milyon ABŞ dolları dəyərindədir.
Üçillik layihə Bankın idarəsində olan Sülh Quruculuğu Fondu tərəfindən maliyyələşdiriləcək.
Qrant məcburi köçkünlərə 3 istiqamət üzrə ayrılıb: Xüsusi bacarıqlara yiyələnməyə kömək üçün peşə hazırlığı və təlimi; layihədə iştirak edən məcburi köçkünlərin şəxsi bizneslərini daha yaxşı idarə etmələrinə yardım üçün onların maliyyə savadlılığını, maliyyə menecmenti və yaxşı biznes təcrübəsini artırmaqla bağlı təlimlər; məcburi köçkünlərin öz icmalarında fəallığına kömək etmək üçün vətəndaş iştirakı və sosial bilik üzrə bacarıqlarının artırılması.
Bizi Telegram-da izləyin...
