Bu karqo şirkəti qiymətləri QALDIRDI
"El Post" karqo şirkəti daşınma qiymətlərini qaldırıb.
Redaktor.az xəbər verir ki, bu barədə şirkətdən istifadəçilərə göndərilən məktubda bildirilir.
"Dəyərli müştərilər, bildirmək istəyirik ki, daha sürətli və daha keyfiyyətli xidmət göstərə bilmək adına yeni ildən etibarən mövcud tariflərimizdə xırda dəyişiklik etmişik.
01.01.2024-cü ildən etibarən 0,001 kq-dan 0.5 kq-dək olan bağlamalar 5.5 $, 0.5 kq-dan 1 kq-dək olan bağlamalar üçün 10 $ çatdırılma haqqı təyin olunub.
Həmişə olduğu kimi 2024-cü ildə də Çindəki bağlamalarınızı “El Post” olaraq biz çatdıracağıq. Odur ki elə indi sifariş edin, biz isə sizə gətirək", - deyə şirkətdən bildirilib.
Qeyd edək ki, buna qədər "El Post"la Çindən 0,001 kq-dan 0.5 kq-dək olan bağlamalar 5 dollara, 0.5 kq-dan 1 kq-dək olan bağlamalar isə 9 dollara çatdırılırdı.
T.İSMAYIL
Bizi Telegram-da izləyin...
