Rusiya düyü və düyü taxıllarının ixracına qoyulan qadağanın müddətini uzatdı
Rusiya düyü və düyü taxıllarının ixracına qoyulan qadağanı 2024-cü il iyunun 30-dək uzadıb və 2024-cü il üçün yeni regionlardan taxılın rüsumsuz ixracı üçün kvotaları təsdiqləyib.
Redaktor.az bu barədə "vesti.ru"ya istinadən xəbər verir.
Xatırladaq ki, 31 dekabr 2023-cü il tarixinədək düyü və düyü taxıllarının ixracı qadağan edilmiş, daxili bazarı qoruyub saxlamaq qərarı alınmışdı.
Hökumət həmçinin Donetsk və Luqansk xalq respublikalarından, Zaporojye və Xerson vilayətlərindən taxıl, günəbaxan yağı və günəbaxan unun rüsumsuz ixracı üçün kvotalar müəyyən edib.
Qadağa Avrasiya İqtisadi İttifaqı (Aİİ), Cənubi Osetiya və Abxaziya ölkələrinə şamil edilmir. Bundan əlavə, düyü və düyü taxıllarının humanitar yardım, eləcə də beynəlxalq tranzit daşımaları üçün xaricə göndərilməsinə icazə verilir.
Rusiyanın yeni regionlarından taxılın rüsumsuz ixracı üçün kvotalar 31 dekabr 2024-cü il tarixinədək qüvvədədir.
NƏRGİZ
Bizi Telegram-da izləyin...
