"Bitcoin" yenə UCUZLAŞDI
Ticarət sessiyası zamanı "Bitcoin"in dəyəri 12,68% ucuzlaşaraq 52 912 dollar olub.
Redaktor.az xəbər verir ki, bu barədə məlumat "Binance" onlayn rəqəmsal valyuta xidmətinin saytında dərc edilib.
Qiymətin kəskin ucuzlaşması yerli vaxtla saat 5:25-də qeydə alınıb. Daha sonra "Bitcoin" məzənnəsi dərhal 11% azalaraq 53 868 dollara çatıb. Bir neçə dəqiqə sonra bitkoin öz enişini bir qədər ləngidibi və qiyməti 54 084 dollara qalxıb, lakin sonra yenidən ucuzlaşıb.
Qeyd edək ki, iyulun sonunda bitkoinin qiyməti ay yarımda ilk dəfə (10 iyundan bəri) 70 000 dolları ötüb.
MDB-də Bitget kriptovalyuta birjasının marketinq direktoru Anton Toroptsev qeyd edib ki, avqustda bitkoinin məzənnəsi ya 60 min dollardan aşağı düşə, ya da 68 min dollara yüksələ bilər. Onun sözlərinə görə, avqust ayı hazırda kriptovalyutalar üçün kifayət qədər müsbət görünür.
Sevinc İBRAHİMZADƏ
Bizi Telegram-da izləyin...
