Rusiyanın Türkiyəyə ixracı AZALDI
Rusiyanın Türkiyəyə ixracı iyunda 835 milyon dollar azalıb.
Redaktor.az xəbər verir ki, bu barədə "RİA Novosti" məlumat yayıb.
Öz hesablamalarına əsasən, Rusiya mallarının Türkiyəyə tədarükünün ümumi dəyəri 2024-cü ilin iyun ayının sonunda 835 milyon dollar azalaraq 2,95 milyard dollar olub.
Bu azalma Türkiyənin əsas ticarət tərəfdaşları arasında ən böyüyü olub. Bu dövrdə İtaliyadan tədarükün dəyəri 714 milyon dollar azalaraq 1,2 milyard dollara, Çindən 481 milyon dollar azalaraq 3,4 milyard dollara, Almaniyadan 364 milyon dollar azalaraq 1,9 milyard dollara düşüb.
Türkiyəyə ixracın azalması baxımından İspaniya (-282 milyon dollar), ABŞ (-275 milyon dollar), Malayziya (-196 milyon dollar), İngiltərə (-178 milyon dollar) və Fransaya (-161 milyon dollar) azalma nisbəti baxımından ilk 10-da iştirak edib. Ümumilikdə Türkiyənin idxalı may ayı ilə müqayisədə iyunda 18,8% azalaraq 24,9 milyard dollara düşüb. İlin əvvəlindən azalma 14% təşkil edib.
Sevinc İBRAHİMZADƏ
Bizi Telegram-da izləyin...
