Azərbaycanda avtomobil nəqliyyatı ilə yük və sərnişin daşımaları artdı
Bu ilin yanvar-iyul aylarında Azərbaycanda nəqliyyat sektorunda daşımaların həcmində xüsusi çəkisi ən böyük olan avtomobil nəqliyyatı ilə 77,6 mln. ton yük, 994,6 milyon sərnişin daşınıb.
Dövlət Statistika Komitəsindən Redaktor.az-a verilən məlumata görə, əvvəlki ilin eyni dövrü ilə müqayisədə müvafiq olaraq 8,1% və 9,1% artım olub.
“Sərnişinlərin 95,3%-i avtobus, 4,7%-i isə minik taksilərinin xidmətlərindən istifadə edib”, - məlumatda qeyd olunub.
Məlumata görə, hesabat dövründə yük dövriyyəsi 12,3%, sərnişin dövriyyəsi isə 10% artıb.
Bizi Telegram-da izləyin...
