Rusiya ilə Yaponiya arasında ticarət dövriyyəsi AZALDI
İyulda Rusiya ilə Yaponiya arasında ticarət dövriyyəsi illik müqayisədə 32,47% azalaraq 70,7 milyard yen və ya təxminən 487 milyon dollar təşkil edib.
Redaktor.az xəbər verir ki, bu barədə Yaponiya Maliyyə Nazirliyi məlumat yayıb.
Rusiya Federasiyasından Yaponiyaya tədarükün əsas payı (təxminən 70%) hələ də enerji resurslarının payına düşür. Bununla belə, ötən ay ölkə Rusiyadan mayeləşdirilmiş təbii qaz (-63,9%) və kömür (-80,2%) idxalını əhəmiyyətli dərəcədə azaldıb. Üstəlik, Yaponiya iyul ayında Rusiyadan neft almayıb.
Bu dövrdə Rusiyadan Yaponiyaya balıq və balıq məhsullarının idxalı 18,8% artıb. Taxıl tədarükü 12,3% azalıb.
İyulda Rusiya Yaponiyadan ehtiyat hissələrinin alışını 13% artırıb. Eyni zamanda, avtomobil idxalı 34,3% azalıb. Rusiya Federasiyasına plastik tədarükü 34,9% azalıb.
Sevinc İBRAHİMZADƏ
Bizi Telegram-da izləyin...
