Avropa İttifaqı ölkələrindən birində iflasların sayı artdı
Finlandiyada 2024-cü ilin 11 ayında 2829 şirkətin müflis olduğu açıqlanıb.
Redaktor.az xəbər verir ki, bu barədə “Kauppalehti” nəşri məlumat yayıb.
Ötən ilin müvafiq dövrü ilə müqayisədə bu göstərici 12,4 faiz artıb. 2023-cü ilin yanvar-noyabr ayları arasında burada 2517 iflas başlayıb. 2022-ci ildə isə bu rəqəm 2 min 189 olub.
2024-cü ildə hər ay orta hesabla 260 şirkətin iflas ərizəsi verdiyi açıqlanıb. Dekabrda bu dərəcələrə əməl edilsə, ilin sonuna qədər təxminən 3100 şirkət müflis olacaq. 2024-cü ildə iflas müraciətləri daha çox tikinti, topdan və pərakəndə ticarət, yaşayış və qida və içki xidmətləri sektorlarında fəaliyyət göstərən müəssisələr tərəfindən edilib.
Sevinc İBRAHİMZADƏ
Bizi Telegram-da izləyin...
