Eldar Mansurovun oğluna yüksək vəzifə VERİLDİ - FOTO
Xəbər verdiyimiz kimi, Mərkəzi Banka yeni baş direktorlar təyin edilib.
Redaktor.az xəbər verir ki, onlardan biri də Anar Mansurovdur.
O, 1986-cı ildə Bakı şəhərində anadan olub. 2008-ci ildə Azərbaycan Dövlət İqtisad Universitetini “Maliyyə-kredit” ixtisası üzrə bakalavr, 2011-ci ildə həmin universiteti, 2022-ci ildə isə “Warwick” Universitetini “Biznesin idarə edilməsi” (MBA) ixtisası üzrə magistr dərəcələrilə bitirib.
Əmək fəaliyyətinə 2005-ci ildə Azərbaycan Respublikası Beynəlxalq Bankında başlayıb, 2022-ci ilin avqust ayından 2025-ci ilin fevral ayınadək Azərbaycan Respublikası Mərkəzi Bankının Maliyyə idarəetməsi departamentinin direktoru vəzifəsində işləyib.
2025-ci ilin fevral ayının 3-dən Mərkəzi Bankın baş direktoru vəzifəsinə təyin edilib. Ailəlidir, 2 övladı var.
unikal.az saytının məlumatına görə, yeni baş direktor Azərbaycanın məşhur bəstəkarı, xalq artisti Eldar Mansurovun oğludur.
Bizi Telegram-da izləyin...
