OPEC+ ölkələri hasilatı artırmağa başlamaq qərarını təsdiqlədi
2024-cü ilin əvvəlindən neft hasilatını könüllü olaraq sutkada 2,2 milyon barel (bpd) azaldan səkkiz OPEC+ ölkəsi aprel ayında planlaşdırılan hasilatın bərpasına başlanmasını yerində saxlamaq qərarına gəlib.
Redaktor.az xəbər verir ki, bu barədə OPEK-in bəyanatında deyilir.
Könüllü istehsal məhdudiyyətlərindən mərhələli çıxış 2025-ci ilin aprelindən 2026-cı ilin sentyabrına qədər davam edəcək. Eyni zamanda, OPEC+ etiraf edir ki, hasilatın artımı dayandırıla bilər və ya ittifaq ölkələri bazardakı vəziyyətdən asılı olaraq yenidən ixtisarlara qayıda bilər.
Könüllü azalmalar dövründə neftin həddindən artıq hasilatına yol vermiş OPEC+ ölkələri hasilatın kompensasiyası ilə bağlı yenilənmiş planlarını martın 17-dək OPEC+ Katibliyinə təqdim edəcəklər. Bundan əlavə, BƏƏ OPEC+ sazişi çərçivəsində kvotasını 2025-ci ilin aprelindən 2026-cı ilin sentyabr ayının sonuna qədər tədricən 300 min barel artırmaq seçimini saxlayıb.
Turan İSMAYIL
Bizi Telegram-da izləyin...
