“Azərbaycan və Özbəkistan arasında sərmayə əməkdaşlığı genişlənir” - Deputat
"Özbəkistanda son illər keçirilən islahatlar ölkəni regionda aparıcı ölkələrdən birinə çevirib".
Bu sözləri Redaktor.az-a açıqlamasında millət vəkili Vüqar Bayramov bildirdi.
Deputat qeyd etdi ki, Azərbaycan Özbəkistanla qarşılıqlı sərmayə qovşağında maraqlıdır:
"Ümumiyyətlə, türk dövlətləri ilə qarşılıqlı uğurlu sərmayənin həyata keçirilməsi Azərbaycan üçün xarici iqtisadi siyasətdə prioritet məsələlərdəndir. Xüsusən nəzərə alsaq ki, Azərbaycan-Özbəkistan arasında münasibətlərin inkişafı müşahidə olunur".
Onun sözlərinə görə, Azərbaycan investorları üçün Özbəkistan iqtisadiyyatına daha çox sərmayənin yönəldilməsinə imkanlar yaradılır:
"Sözsüz ki, qarşılıqlı səfərlər investisiya qoyuluşlarının genişləndirilməsinə şərait yaradacaq. Bu baxımdan növbəti mərhələdə ölkələr arasında sərmayə qoyuluşunun artmasını və sərmayə portfelinin genişlənməsini müşahidə edəcəyik".
Nuriyyə NATİQQIZI
Bizi Telegram-da izləyin...
