Azərbaycan və İndoneziya əməkdaşlığı müzakirə ediləcək

 21:33 11.04.2019     401

Azərbaycan Dövlət Neft Şirkəti (SOCAR) və İndoneziyanın "Pertamina" şirkəti əməkdaşlıq məsələlərini müzakirə etməyi planlaşdırır.

Redaktor.az bildirir ki, bunu Trend-ə SOCAR-ın investisiya və marketinq üzrə vitse-prezidenti Elşad Nəsirov deyib.

O bildirib ki, hazırda şirkətin böyük nümayəndə heyəti Bakıda səfərdədir.

Vitse-prezidentin sözlərinə görə, danışıqlar zamanı tərəflər treydinq, "upstream" və investisiya layihələrinin reallaşdırılması sahələrində əməkdaşlıq imkanlarını müzakirə edəcək.

Qeyd edək ki, "Pertamina" şirkəti İndoneziyada "Chevron"dan sonra ikinci ən iri neft istehsalçısıdır. Şirkət 1968-ci ildə "Pertamin" və "Permina" şirkətlərinin birləşməsindən yaranıb.