Türkiyə gələn ilin iyulundan TANAP-la hər il 5,7 mlrd. kubmetr qaz alacaq
Gələn ilin iyul ayından etibarən Türkiyə Trans-Anadolu qaz kəməri (TANAP) ilə ildə 5,7 mlrd. kubmetr qaz alacaq.
Redaktor.az-ın məlumatına görə, bunu İstanbulda keçirilən mətbat konfransında çıxış edən TANAP-ın baş direktoru Saltuk Düzyol deyib.
Onun sözlərinə görə, 1 iyul 2019-cu – 30 iyun 2020-ci saziş ilində TANAP-la Türkiyəyə 3,8 mlrd. kubmetr qaz nəql ediləcək.
S. Düzyol əlavə edib ki, Trans-Adriatik qaz kəmərinin (TAP) istifadəyə verilməsi şərti ilə 2020-ci ilin 1 iyul – 31 dekabr tarixləri ərzində TANAP-la Avropa üçün 6,1 mlrd. kubmetr, 2021-ci ilin 1 yanvar – 31 mart tarixləri ərzində 6,2 mlrd. kubmetr, 2021-ci ilin 1 aprel – 31 dekabr tarixləri ərzində 7,2 mlrd. kubmetr, 2022-ci ilin iyunun 1-dən isə illik 10,2 mlrd. kubmetr qaz nəql ediləcək.//Apa.az
Bizi Telegram-da izləyin...
