Bakıda beynəlxalq elektron ticarət forumu keçiriləcək
Noyabrın 26-27-də Bakıda beynəlxalq “World E-commerce Eurasia-2019” forumu keçiriləcək.
Alman-Azərbaycan Ticarət Palatasından (AHK Azerbaijan) Redaktor.az-a verilən məlumata görə, “MyBroker Azərbaycan” və “ASAN Xidmət”in təşkilatçılığı ilə keçiriləcək forum, elektron ticarət infrastrukturunu inkişaf etdirmək və bu sahədə əməkdaşlığı artırmaq məqsədi daşıyır.
Konfransda sərhədlərarası elektron ticarət, ödəniş və logistika, rəqəmsal marketinq, bazar xüsusiyyətləri, yeni bazarlara çıxış yolları kimi müxtəlif mövzular müzakirə ediləcək. Bundan əlavə, tədbir çərçivəsində dövlətlərarası əməkdaşlığı artırmaq üçün müvafiq proqramlar hazırlanacaq.
Bizi Telegram-da izləyin...
