Koronavirusa görə bağlanan daha bir məktəb açıldı

 09:30 16.11.2021     77

Bakıda koronavirusa görə bağlanan daha bir məktəbdə əyani tədris bərpa edilib.

Redaktor.az xəbər verir ki, Gigiyena və Epidemiologiya Mərkəzinin rəyi əsasında “Ankara məktəbi” məktəb-liseyi üçün müəyyənləşdirilmiş karantin başa çatıb.

Təhsil müəssisəsində koronavirus infeksiyasına qarşı şagirdlərin və məktəbin pedaqoji heyətinin daha etibarlı qorunması üçün sanitar-epidemioloji vəziyyətdən irəli gələn tələblərə ciddi əməl olunur.

Qeyd edək ki, koronavurusa yoluxan müəllim və şagirdlərin çoxluğuna görə "Ankara məktəbi" məktəb-liseyində oktyabrın 19-dan dərslərin iki həftə ərzində distant keçirilməsi qərara alınmış, sonradan karantin müddəti daha iki həftə də uzadılmışdı.