Nazir distant təhsilə keçən məktəblərin sayını açıqladı

 11:36 20.11.2021     93

“Əgər məktəbdə 6-7 müəllim arasında yoluxma olarsa, onlar tədris apardığı siniflər təhlil olunur. Müəllimlərin daha çox sinifə girdikləri, daha çox insanla ünsiyyətdə olduqları müəyyənləşdirilir".

Redaktor.az xəbər verir ki, bu fikirləri təhsil naziri Emin Əmrullayev deyib.

Onun sözlərinə görə, qaydalara görə ünsiyyətdə olan şəxslər müvəqqəti karantinə alınırlar.

“Bu səbəbdən ayrı-ayrı siniflər və məktəblərdə distant təhsilə keçid olacaq. Tədris ilinin əvvəlindən təxminən 50-yə yaxın məktəbdə belə hal olub. Əsasən böyük şəhərlərdə olur. Çünki onlarda sıxlıq daha çox olur. Ümumilikdə Azərbaycanda 4 450-yə yaxın məktəbin olmasını nəzərə alsaq, 50-yə yaxın məktəb kifayət qədər kiçik rəqəmdir”, - deyə nazir bildirib.