MİQ üçün 15 imtahan mərkəzi ayrılacaq

 17:43 09.06.2022     1246

"İyuldan etibarən müəllimlərin sertifikasiyası ilə bağlı qeydiyyat prosesinə start veriləcək".

Redaktor.az-ın məlumatına görə, bunu Təhsil İnstitutunun İnsan Resursları Mərkəzinin direktoru Nurlan İsmayılbəyli deyib.

O bildirib ki, imtahan üçün müəllimlərin özlərinin qeydiyyatdan keçmələrinə ehtiyac yoxdur:

"Qeydiyyat Regional Təhsil İdarələri tərəfindən aparılacaq. Müəllimlərin işə qəbulu (MİQ) imtahanları üçün 15 imtahan mərkəzinin ayrılması nəzərdə tutulub. Sertifikasiyada isə bunlardan 8-i istifadə olunacaq".

İsmayılbəylinin sözlərinə görə, sertifikasiya imtahanlarının avqust ayının sonunda keçirilməsi planlaşdırılır:

"İmtahanlardan sonra ilin sonuna kimi müsahibələr təşkil olunacaq".