“Müəllimlərimiz adətən öz evinə yaxın məktəbdə işləmək istəyir” - Təhsil naziri

 15:11 27.07.2022     2364

“Bu gün təxminən 10 mindən artıq insan pedaqoji sayılan ixtisaslara daxil olur. Hər il tək ümumtəhsil müəssisələri üçün 7-8 min vakansiya veririk. Hesab edirəm ki, bununla bağlı balans qorunur və gələcəkdə bu tendensiyanı qorumağa çalışacağıq”.

Redaktor.az xəbər verir ki, bunu təhsil naziri Emin Əmrullayev keçirdiyi brifinqdə deyib.

Nazirin sözlərinə görə, müəllim hazırlığı adətən bütün ölkə üçün hesablanır:

“Etiraf edək ki, müəllimlərimiz adətən öz evinə yaxın məktəbdə işləmək istəyir. Hazırladığımız müəllim sayı bir qədər vakansiyalardan çox olur. Bu da təbiidir, çünki hamı müəllim olmaq istəmir. Odur ki, bundan sonra tələbə uyğun pedaqoji heyət hazırlanacaq”.

Nərmin Vüqarqızı