Ali məktəblərdə dərslər necə keçiriləcək? - RƏSMİ

 12:11 06.09.2022     3872

Bu il ölkənin ali məktəblərində tədris ənənəvi formada təşkil olunacaq.

Redaktor.az xəbər verir ki, bu barədə Elm və Təhsil Nazirliyinin ictimaiyyətlə əlaqələr sektorunun müdiri Cəsarət Valehov deyib.

Qurum rəsmisi bildirib ki, universitetlər ümumilikdə dərsləri istədikləri formada təşkil edə bilərlər.

Universitetlərdən isə bildirilib ki, tədris əsasən ənənəvi formada keçiriləcək. Belə ki, bu il Azərbaycan Tibb Universiteti, Azərbaycan Dövlət Pedaqoji Universiteti, Azərbaycan Dillər Universiteti, Bakı Slavyan Universiteti, Azərbaycan Texniki Universiteti tədrisi ənənəvi formada təşkil edəcək.

Bakı Dövlət Universitetində isə təhsilin hansı formada olacağı bəlli deyil.

Qeyd edək ki, pandemiya səbəbindən universitetlərdə tədris hibrid formada təşkil edilib.