"Son zəng"in vaxtı dəyişdiriləcək?
"Təhsil ilini qısaltmaq, əvvəlki kimi mayın 30-na çəkmək təhsildən gözləntiləri azaltmağa gətirib çıxara bilər. Mən indiki şagirdlərlə müqayisədə iki il daha çox dərsə getmişəm. Şənbə günlərini də nəzərə alsaq, bizim uşaqlarımız indi daha az dərsə gedirlər. Zamanında verilən həmin qərarın mahiyyəti bu idi ki, tədris ili nə qədər uzun olarsa, uşaqlarımız üçün daha yaxşı olar".
Redaktor.az xəbər verir ki, bunu elm və təhsil naziri Emin Əmrullayev bu gün keçirdiyi brifinqdə “Son zəng”in tarixinin dəyişdirilməsi ilə bağlı məsələyə münasibət bildirərkən dedi.
"Digər tərəfdən, mayın 30-dan iyunun 15-dək olan müddətdə orta aylıq hava temperaturu ilə sentyabrın 1-15-i arasında elə bir fərq yoxdur. İnanıram ki, tədris müddəti nə qədər çox olarsa, o qədər yaxşı olar. Bizim “Son zəng”imiz mayda olsa da, iyun ayında imtahanlar verirdik. İli qısaltmaqla təhsilə aid gözləntilərimizi də qısaltmalı olarıq. Bunu isə biz istəmirik” - deyə nazir bildirdi.
Humay İSGƏNDƏRLİ
Bizi Telegram-da izləyin...
