Məktəbəqədər təhsil müəssisələrinə sənəd qəbulu müvəqqəti dayandırılır
Mayın 22-dən məktəbəqədər təhsil müəssisələrinə elektron sənəd qəbulu sistemindən istifadə müvəqqəti olaraq dayandırılacaq.
Bu barədə Redaktor.az-a Elm və Təhsil Nazirliyindən məlumat verilib.
Bildirilib ki, səbəb 2023-2024-cü tədris ili üzrə məktəbəqədər təhsil müəssisələrinə uşaqların elektron qeydiyyatına hazırlıq prosesi ilə bağlıdır.
bq.edu.az elektron portalı üzərindən növbəti tədris ili üçün məktəbəqədər təhsil müəssisələrinə qəbul prosesi barədə ictimaiyyətə əlavə məlumat veriləcək.
Bizi Telegram-da izləyin...
