Elm və Təhsil Nazirliyinin yüksək vəzifəli əməkdaşına cinayət işi AÇILDI - FOTO
Quba-Xaçmaz Regional Təhsil İdarəsinin rəisi Rüfət Hacıyev barəsində Quba rayon prokurorluğunda cinayət işi açılıb.
Redaktor.az "bizim.media"ya istinadla xəbər verir ki, Rüfət Hacıyev barəsində Azərbaycan Respublikasının Cinayət Məcəlləsinin 308,1-ci (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi açılıb.
Prokurorluğa edilən şikayət əsasında aparılan araşdırmalardan sonra bu qərar qəbul edilib.
Faktla bağlı Baş Prokurorluğun Mətbuat Xidmətinə müraciət etsək də, hələlik sorğumuza cavab verilməyib.
Qeyd edək ki, Rüfət Hacıyev ötən il aprelin 29-da təhsil naziri Emin Əmrullayevin əmri ilə Quba-Xaçmaz Regional Təhsil İdarəsinə rəis təyin edilib.
Bizi Telegram-da izləyin...
