ADU-nun nümayəndə heyəti Ümumdünya Çin Dili Konfransında iştirak etdi
Azərbaycan Dillər Universitetinin (ADU) prorektoru Vüqar Mehrabovun rəhbərlik etdiyi ADU-nun nümayəndə heyəti dünyanın 100-dən çox ölkəsindən iştirakçıları bir araya gətirən Çin Xalq Respublikasının Təhsil Nazirliyi, Dil Mübadiləsi və Əməkdaşlıq Mərkəzi, Xaricdə Çin Dilinin Öyrənilməsinə Dəstək Çin Fondu və Çin Dilinin Tədrisi üzrə Dünya Assosiasiyasının təşkilatçılığı ilə Pekində keçirilən Ümumdünya Çin Dili Konfransında iştirak edib.
Konfransın əsas məqsədi beynəlxalq təhsil əlaqələrinin intensivləşdirilməsi, Çin dilinin tədrisində qabaqcıl təcrübənin öyrənilməsi, birgə innovativ proqramların işlənib hazırlanması və elmi və tədris işlərinin istiqamətlərinin müəyyən edilməsi olub.
ADU-nun nümayəndələri konfrans çərçivəsində Qlobal Çin Alyansının və Akademik İllik Ümumdünya Çin Dilini Tədris Assosiasiyasının paralel forumlarında iştirak ediblər. Burada dil təhsili məsələləri, müxtəlif ölkələrin dil siyasəti və onların Çin dilini öyrənmək ehtiyacları müzakirə olunub. Müzakirələr zamanı “Kəmər və Yol”proekti ölkələrinin universitetlərində sinologiya ixtisaslarının və xüsusi “Çin dili+peşə təhsili” proqramının yaradılması və inkişafı, sivilizasiyalararası mədəniyyət mübadiləsi, “ağıllı təhsil” şəbəkəsinin genişləndirilməsi, akademik və fənn sisteminin beynəlxalq Çin təhsilinin inkişafı forumunda Dillər Universitetinin nümayəndə heyəti də iştirak edib.
Konfutsi İnstitutunun koordinasiyalı və rəqəmsal inkişafı, innovativ tədris modellərindən istifadə, Çin dili təhsilinin intellektual transformasiyası və Çin dili təhsilinin intellektual transformasiyası məsələlərinin müzakirə edildiyi “Konfutsi İnstitutu – Çin təhsilinin aparıcı beynəlxalq brendi” adlı ixtisaslaşdırılmış Forumda ADU-nun Konfutsi İnstitutunun direktorları Rafiq Abbasov və Li Jihua da iştirak ediblər. İştirakçıların xüsusi diqqəti Çin Dili Biliklərinin Sınaq Beynəlxalq Mərkəzinin İclasına, Çin dili imtahanının yeni versiyasının işə salınması, standart test poligonu yaradılması və yeni standartlara uyğunlaşdırılması HSK imtahanının islahatı ilə bağlı müzakirə edildi. R.Abbasovun qeyd etdiyi kimi, bu gün Konfutsi İnstitutları təkcə təhsil və mədəniyyət mərkəzləri kimi deyil, həm də müasir Çinin siyasi və sosial-iqtisadi inkişafının öyrənilməsi üçün tədqiqat mərkəzləri kimi də fəaliyyət göstərir. Eyni zamanda, iqtisadiyyat və ənənəvi Çin təbabəti sahəsində ixtisaslaşmış Konfutsi İnstitutunun şəbəkəsi genişlənməkdədir.
Bizi Telegram-da izləyin...
