Goranboyda məktəblilər arasında insident - bıçaqlanan var
![](https://img.redaktor.az/news/2024/04/photo_236654.jpg?v=MDM6MjcyMDI0LTA0LTAzIDE1OjEzOjM5)
Goranboy rayonu Dəliməmmədli şəhəri M.Zeynalov adına tam orta məktəbin şagirdləri arasında insident baş verib.
Redaktor.az-ın məlumatına görə, Gəncə-Daşkəsən Regional Təhsil İdarəsindən "report"a bildirilib ki, şagirdlər bir-birinə xəsarət yetiriblər.
2007-ci il təvəllüdlü Şeyxov Ayxan Məhəmməd oğlu döş qəfəsinin kəsilmiş xəsarəti ilə xəstəxanaya aparılıb.
"Hazırda idarənin və rayon təhsil sektorunun əməkdaşları təhsil müəssisəsindədir. Bununla yanaşı, hüquq-mühafizə orqanlarına, Elm və Təhsil Nazirliyinə, digər aidiyyəti qurumlara məlumat verilib. Hadisə ilə bağlı araşdırma aparılır. Araşdırmanın nəticəsi barədə ictimaiyyətə məlumat veriləcək", - idarədən qeyd olunub.