Azərbaycan-Fransız Universitetinə tələbə qəbulu APARILMAYACAQ?
Sosial mediada Azərbaycan-Fransız Universitetinin (UFAZ) yeni tədris ilindən etibarən tələbə qəbul etməyəcəyi barədə xəbərlər yayılıb. Bakı Fransız Liseyi fəaliyyətini dayandırmasında sonra UFAZ üçün plan yerləri ayrılmayacağı iddia edilir.
Redaktor.az xəbər verir ki, "modern.az" məsələni dəqiqləşdirmək üçün universitetlə əlaqə saxlayıb.
Universitetdən bildirilib ki, UFAZ Azərbaycan Dövlət Neft və Sənaye Universitetinin nəzdində fəaliyyət göstərir və hazırda öz işini davam etdirir.
"Növbəti tədris ili üçün həmişəki qaydada yeni tələbələrin qəbulu həyata keçiriləcək. Qeyd edim ki, bu il bakalavr səviyyəsi üzrə “Kimya” proqramı, magistratura səviyyəsi üzrə isə “Su ehtiyatlarının idarəedilməsi” proqramı yeni açılıb və həmin proqramlara da tələbələrin qəbulu nəzərdə tutulur", - açıqlamada deyilir.
Məlumata görə, Universitet üçün aşağıdakı ixtisaslara tələbə qəbulu elan ediləcək:
Bakalavr pilləsində:
Kompüter elmləri – 60 yer
Kimya – 40
Kimya mühəndisliyi – 30
Geologiya və Geofizika mühəndisliyi – 30
Neft-Qaz mühəndisliyi – 30
Magistratura pilləsində:
Fiziki Kimya/Kimya Mühəndisliyi - 25
Data Elmi və Süni İntellekt - 40
Yer Elmləri - 30
Su Ehtiyatlarının İdarəedilməsi - 15
Qeyd edək ki, aprel ayında Bakı Fransız Liseyi yeni tədris ilindən fəaliyyətini dayandıracağını elan edib. Kommersiya problemləri səbəblərindən liseyin yeni tədris ilindən etibarən fəaliyyətini dayandırması barədə qərar qəbul edilib.
UFAZ Azərbaycan Dövlət Neft və Sənaye Universitetinin (ADNSU) və Strasburq Universitetinin (Unistra) rəhbərliyi altında həyata keçirilən birgə layihədir. Universitetin əsası 2016-cı ildə qoyulub.
Bizi Telegram-da izləyin...
