Aşağı bal toplayan müəllimlərin dərs saatları əllərindən alınacaq - Nazir
Dərs saatlarının bölgüsündə sertifikatlaşdırma nəticələri nəzərə alınacaq.
Redaktor.az xəbər verir ki, bunu elm və təhsil naziri Emin Əmrullayev "Sertifikatlaşdırma 2024: peşəkar müəllim - keyfiyyətli təhsil" mövzusunda keçirilən tədbirdə çıxışı zamanı bildirib.
Onun sözlərinə görə, yüksək nəticə göstərənlərin daha çox dərs demələrinə çalışılacaq.
"İstəyirik ki, uşaqlarımıza daha yaxşı nəticə göstərmiş müəllimlərimiz dərs desin. Lakin elə anlaşılmasın ki, biz sertifikatlaşdırmadan aşağı nəticə göstərən müəllimlərin dərs saatlarını əllərindən alıb onlara verəcəyik. Sadəcə mübahisələr zamanı və dərs saatlarının bölgüsündə bu alqoritmdən də istifadə edəcəyik. Burada kimsə 1 bal daha artıq yığıbsa məntiqi ilə yox, 57 bal toplayanla 31 bal toplayan müəllimə fərq qoyulacaq", - deyə Əmrullayev bildirib.
Bizi Telegram-da izləyin...
