Dərsliklərin verilməsi ilə bağlı valideynlərə müraciət EDİLDİ
Məktəbəqədər və Ümumi Təhsil üzrə Dövlət Agentliyi yeni tədris ilinin başlanması ilə əlaqəli dərsliklərin əldə edilməsinə görə valideynlərə müraciət edib.
Redaktor.az xəbər verir ki, müraciətdə deyilir:
"Yeni tədris ilinin başlamasına az qalıb. Bu məqsədlə yerli təhsili idarəetmə orqanlarına dərsliklərin təhsil müəssisələrinə paylanması ilə bağlı müvafiq tapşırıqlar verilib. Tədris ili başlamadan valideynlərdən övladlarının təhsil aldığı müəssisələrə yaxınlaşaraq dərslikləri məsul şəxslərdən təhvil almaları xahiş olunur. Dərsliklərin vaxtında əldə olunması tədrisin səmərəli və fasiləsiz davam etməsi üçün vacibdir. Valideynlər dərsliklərin təhvil alınması üçün müvafiq təhsil müəssisələri ilə əlaqə saxlayaraq proseslə bağlı əlavə məlumat əldə edə bilərlər".
Bizi Telegram-da izləyin...
