“Ölkəmizdə müasir tələblərə cavab verən alimlər yetişdirilməlidir" - Hafiz Paşayev
Azərbaycan elminin, təhsilinin nüfuzu daha da artırılmalıdır. Bunun üçün biz alimlərimizdən təkliflər gözləyirik. Təklifləri olanlara isə maliyyə dəstəyi verməyə hazırıq.
Redaktor.az xəbər verir ki, bu sözləri sentyabrın 9-da Bakıda keçirilən Xaricdə Yaşayan Azərbaycanlı Alimlərin Forumunda ADA Universitetinin rektoru professor Hafiz Paşayev söyləyib.
O bildirib ki, Azərbaycan elminin inkişafında alimlərin üzərinə böyük rol düşür: “Ölkəmizdə müasir tələblərə cavab verən alimlər yetişdirilməlidir. Xüsusilə dəqiq elmlərlə bağlı mənim narahatlığım var”.
Qeyd edək ki, Forumda dövlət rəsmiləri, dünyanın 23 ölkəsindən 80-dən çox azərbaycanlı alim, ümumilikdə isə 200-dən çox yerli və xarici alim iştirak edir.
Bizi Telegram-da izləyin...
