"Proses tamamilə rəqəmsallaşacaq” - Nazirdən XƏBƏRDARLIQ
“Bəzi universitetlərin qəbul olunan tələbələrdən qeydiyyat zamanı kağız formada sənəd tələb etməsi doğru deyil”.
Redaktor.az xəbər verir ki, bunu elm və təhsil naziri Emin Əmrullayev jurnalistlərə açıqlamasında bildirib.
O deyib ki, artıq nazirlik tam rəqəmsal sistemə keçib.
“Nazirliyin nailiyyətləri də buna imkan verir. Əksər hallarda bu proses rəqəmsal aparılıb. Bu bəlkə də, 90 faizdən yuxarıdır. Müxtəlif səbəblərdən keçid dövründə çox az sayda universitet tələbələrdən kağız üzərində də sənədlər tələb edib. İstənilən halda, bu proses portal.edu.az üzərində aparılır, digərlərinə ehtiyac yoxdur. Hesab edirəm ki, növbəti illərdə proses tamamilə rəqəmsallaşacaq”, - deyə Əmrullayev bildirib.
Bizi Telegram-da izləyin...
