111 nömrəli məktəbdə Bilik Günü qeyd edilir - FOTO
Bakı şəhəri Nəsimi rayon Rövşən Nəsirov adına 111 nömrəli tam orta məktəbdə Bilik gününə həsr edilmiş tədbir keçirilib.
Redaktor.az xəbər verir ki, Dövlət Himninin səsləndirilməsi ilə başlayan tədbirdə Vətən şəhidlərinin əziz xatirəsi bir dəqiqəlik sükutla yad edilib.
Tədbirdə çıxış edən məktəb direktoru Jalə Hacıyeva yeni tədris ilində qarşıya qoyulan hədəflərdən danışıb, əlamətdar gün münasibəti ilə iştirakçıları təbrik edib, şagirdlərə uğurlar arzulayıb.
Tədbirdə çıxış edən 1ç sinfinin sinif rəhbəri Sevda Cavadova da öz növbəsində şagirdləri təbrik edib, onlara gələcək təhsil illərində uğurlar arzulayıb.
Daha sonra uşaqlar şeirlər söyləyib, mahnılar ifa ediblər.
Tədbirin sonunda birinci sinif şagirdi tərəfindən yeni dərs ilinin ilk zəngi çalınıb.
Bizi Telegram-da izləyin...
