"2 ildir diplomsuz, işsiz qalmışıq" - Tələbələr fəryad ETDİ
Azərbaycan Dövlət İqtisad Universiteti Dərbənd filialının 2023-2024-cü il məzunlarının diplomları verilmir.
Redaktor.az xəbər verir ki, bu iddia ilə "Qafqazinfo”ya həmin universitetin bir sıra məzunu müraciət edib.
Onların sözlərinə görə, təxminən 100-ə yaxın şəxs diplomunu ala bilmir: "Universitetə müraciət edirik, bildirirlər ki, Elm və Təhsil Nazirliyinə müraciət edin. Nazirliyə müraciət edirik, oradan da deyirlər, universitetə müraciət edin. Qısaca məzunlara cavab verən yoxdur. Hər həftə deyirlər veriləcək, artıq 2 il keçib. 2 ildir diplomsuz, işsiz qalmışıq. Diplomumuzu ala bilmirik ki, gedib işləyək”.
Məsələyə UNEC belə münasibət bildirib: "Dərbənd filialının məzunlarına diplom blanklarının təqdim edilməsi ilə bağlı Elm və Təhsil Nazirliyinə universitet tərəfindən rəsmi məktub ünvanlanıb. Məsələnin həlli istiqamətində nazirliklə mütəmadi olaraq əlaqə saxlanılır və qısa müddət ərzində diplom blanklarının universitetə təqdim olunacağı bildirilib”.
Bizi Telegram-da izləyin...
