Magistraturada dissertasiyanı orta balla əvəzləmək mümkündür? - AÇIQLAMA
Məlum olduğu kimi, bakalavr pilləsində diplom işləri ləğv olunaraq ümumi orta müvəffəqiyyət göstəricisi (ÜOMG) tətbiq edilir.
Bəs magistratura pilləsində də diplom almaq üçün dissertasiyanı orta balla əvəz etmək mümkündür?
Mövzu ilə bağlı Redaktor.az-a açıqlamasında təhsil eksperti, Azərbaycan Dillər Universitetinin dosenti Vüsalə Ağabəyli dedi ki, bakalavr təhsilinin sonunda tələbə ixtisası üzrə təcrübə saatlarını yerinə yetirməli, müvafiq krediti əldə etməlidir.
"ÜOMG isə onun tədris qrafikini hansı şəkildə yerinə yetirdiyini özündə əks etdirən orta baldır. Magistr pilləsi isə ali təhsil pilləsinin üstün mərhələsini özündə əks etdirən elmi dərəcədir. Magistr dərəcəsini almaq üçün tələbə tədrislə yanaşı, mütləq elmi fəaliyyət də göstərməli, tədqiqat aparmalı, elmi müstəvidə nəşrlərlə görünməlidir. Magistratura pilləsində elmi tədqiqat mütləqdir, bu, ixtisaslardan asılı olaraq layihə formasında da ola bilər, araşdırmalardan və qənaətdən ibarət dissertasiya formasında da ola bilər. Bu prosesi orta balla əvəzləmək mümkün deyil”, - deyə həmsöhbətimiz bildirdi.
BƏNÖVŞƏ
Bizi Telegram-da izləyin...
