"Təhsilli şəxsləri əmək bazarına uyğun yetişdirib ortaya çıxara bilmirik" - AÇIQLAMA
Təhsil ekspertləri bildirirlər ki, bir sıra universitetlər tədris etdikləri ixtisasları beynəlxalq standartlara uyğun tədris etmirlər.
Bu vəziyyət təhsil prosesində necə nizamlana bilər?
Mövzu ilə bağlı Redaktor.az-a danışan təhsil eksperti Məzahir Məmmədli bildirdi ki, Azərbaycandakı ali təhsil müəssisələrində hələ ki, heç bir monitorinq aparılmayıb, fənnlər üzrə, ixtisaslar üzrə nəticələr elan edilməyib:
"Bu qənatə ona görə gəlinir ki, artıq ali təhsil müəssisələrindən məzun olan şəxslər əmək bazarında özləri üçün uyğun bir iş tapa bilmirlər. Bu da ancaq onla əlaqəlidir ki, demək ki, bunlar ixtisaslaşmanı və yaxud tədris müddətindəki fənnləri düz seçə bilmirlər, bazarın tələbinə uyğun qura bilmirlər. Buna görə də bu kimi fikirlər yaranır. Ümumilikdə ən yaxşı halda müttəfiq olduğumuz respublikalarla müqayisə eləsək görərik ki, Qazaxıstan universitetləri nə qədər bizdən öndədir. Biz istəsək də, istəməsək də özümüzə düşmən bildiyimiz Ermənistanla müqayisədə texniki ixtisaslar bizdən öndədir. Gürcüstanda universitstlərin sayı əhali sayından nə qədər artıqdır. Hər 100 nəfərdən 17 nəfər ali təhsilli var".
Ekspert bildirdi ki, təhsilli şəxsləri əmək bazarına uyğun yetişdirib ortaya çıxara bilmirik.
"Bu gün universitetlərimizin vəziyyəti bu dərəcədə acınacaqlıdır. Məsələn, İT ixtisası üzrə universitet 6 illik tədris müddətində mükəmməl proqramlar öyrədə bilmir. Məzunlar mütləq xüsusi kurslar keçməlidir, əlavə məlumatlar almalıdır. Beynəlxalq səviyyəli hazırlıq keçən müəllimlər, şirkətlərlə əlaqələr qurmalıdır. Yeni nəsil alimlik həvəsində olmayacaqlarsa, ali təhsil müəssisələrində fəaliyyətimiz ləng gedəcək. Yaşlı müəllimlərin tədrisi ilə davam etməyə məcburuq. Yeni nəsil bu sahəyə maraq göstərmir. Sosial təminatlarla bağlı ürəkaçan təşəbbüslər yoxdur. Gənc nəsili cəlb etməliyik. Bu nəsil ali təhsil müəssisələrindəki ixtisaslara uyğun yetişdirilməlidirlər. Nəsil yenilənməlidir. Ev şəraiti, sosial rifah yaxşılaşdırılmalıdır", - M.Məmmədli bildiirdi.
Aytəkin TOFİQQIZI
Bizi Telegram-da izləyin...
