Təkcə repetitorlar yox, qazanc əldə edən hər bir şəxs vergi verməlidir - Açıqlama
Son zamanlar geniş yayılan fəaliyyət sahələrindən biri repetitorluqdur. Əlavə gəlir əldə etmək məqsədilə çox insan bu sahəyə üz tutur. Lakin repetitorluq fəaliyyətinin qeyri-rəsmi şəkildə həyata keçirilməsi, xüsusilə ev şəraitində işləyənlərin vergi ödəməməsi məsələsi mübahisə doğurur.
Bu halda repetitorlar vergi ödəməlidirlər?
Mövzu ilə bağlı Redaktor.az-a danışan iqtisadçı ekspert Xalid Kərimli bildirdi ki, repetitorlar mütləq şəkildə vergiya cəlb olunmalıdırlar.
"Ümumiyyətlə, təkcə repetitorlar yox, bütün fəaliyyət göstərib, qazanc əldə edən şəxslər vergi verməlidir. İstəyir şəxs özəl sektorda, istər dövlətdə işləsin, özü-özünü məşğul etsin. Repetitorluq sahibkarlıq fəaliyyətidir. Təhsil sahəsində xidmət hesab olunur. Bunun başqa bir adı yoxdur."
İqtisadçı ekspert qeyd etdi ki, adi qaydada digər vergi ödəyiciləri kimi sahibkar kimi VOEN alıb, qeydiyyatda dayanmalıdır.
"Dövriyyəsi barədə dövlətə hesabatlar verib, vergisini ödəməlidir. Burada bunun başqa yolu yoxdur. Vergi Məcəlləsində bu müddəalar tənzimlənir, heç bir boşluq yoxdur. Bu məşğulluqdur, sahibkarlıq fəaliyyətidir. Vergi ödənməlidir", - deyə X.Kərimli vurğuladı.
Aytəkin TOFİQQIZI
Bizi Telegram-da izləyin...
