Kolleclərə qəbul balları artacaq? - Ekspert AÇIQLADI
"Ehtimal olunur ki, ali təhsil müəssisəsindən kəsilən abituriyentlərin də böyük əksəriyyəti kolleclərə yönələcək. Həm kolleclərə müstəqil olaraq müraciət edənləri, həm də ali təhsil müəssisələrindən kəsilən abituriyentləri nəzərə alsaq, hardasa 35 minə yaxın abituriyenti hesablamaq olar".
Bu fikirləri Redaktor.az-a təhsil eksperti Ramin Nurəliyev kolleclərə qəbul ballarının artma ehtimalından danışarkən bildirdi.
"Kolleclərin keçid balları ötən illə müqayisədə artacaq. Bu, mənim şəxsi qənaətimdir. Çünki həqiqətən də bu istiqamətdə ciddi yüklənmə var. Bu da təbii ki, xüsusilə üçüncü qruplarda kəsilən 10 mindən çox abituriyentlə bağlıdır. Onların hamısı kolleclərə müraciət etdiyinə görə kolleclərdə keçid ballarının qalxacağı qaçılmazdır. Eləcə də kolleclərin plan yerləri ötən illə müqayisədə azalıb. Bu azalma da, istər-istəməz, balların yüksəlməsinə təsir göstərəcək".
Aytəkin TOFİQQIZI
Bizi Telegram-da izləyin...
