Qusar və Şəmkir sakinlərindən odlu silah götürülüb

 14:59 22.03.2021     130

Qusar və Şəmkir sakinlərindən ov tüfəngləri götürülüb.

Daxili İşlər Nazirliyinin (DİN) Mətbuat xidmətindən Redaktor.az-a verilən məlumata görə, Qusar Rayon Polis Şöbəsinin əməkdaşlarının keçirdikləri əməliyyat tədbiri nəticəsində Yasab-tala kəndində yaşayan T.Əmirbəyovun evinin həyətinə baxış zamanı oradan “İJ-16” markalı ov tüfəngi aşkar edilərək götürülüb.

Bundan başqa, Şəmkir Rayon Polis Şöbəsinin əməkdaşları tərəfindən Şeyidlər kənd sakini E.Bayramovdan müvafiq sənədləri olmayan “İJ-26” markalı ov tüfəngi götürülüb.

Hər iki faktla bağlı araşdırma aparılır.